لا اله الا الله
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

لا اله الا الله

اللهم صلي وسلم و بارك على سيدنا محمد و على آله و صحبه أجمعين ومن تبعه بإحسان إلى يوم الدين
 
الرئيسيةأحدث الصورالتسجيلدخول
مواضيع مماثلة

     

     نورس حزين

    اذهب الى الأسفل 
    2 مشترك
    كاتب الموضوعرسالة
    general20104
    عضو فضي
    عضو فضي
    general20104


    ذكر
    عدد الرسائل : 77
    العمر : 40
    العمل/الترفيه : طالب
    المزاج : ;كرة القدم
    تاريخ التسجيل : 26/06/2008

    نورس حزين Empty
    مُساهمةموضوع: نورس حزين   نورس حزين Icon_minitimeالجمعة 26 سبتمبر 2008 - 3:36

    Mad Mad Mad Mad رجع الشتا ..

    واسكندريه فى الشتا

    نورس حزين

    فارد جناحه ع المدى ..

    يحرس قلوع الصيادين

    صوته بطعم الجرح ..

    طعم الملح ..

    تصرخ أنِّته ..

    تلمس قلوب المجروحين

    والموج دموع الحزن ..

    تبكيها الليالى والسنين

    ع التعبانين ..

    الشقيانين ..

    الغرقانين ..

    ع اللى فى يوم قلبه انشبك

    واللى انقطع منه الشبك

    واللى فى عز البرد قام يصطاد سمك

    صاده السمك

    واللى حلم بشطوط بعيده

    ضاع فى سكتها العنيده

    واتهلك

    واللى رسم عَ الرمل قلب

    واللى انجرح ومالوهْشْ ذنب

    واللى فِضِلْ ع الشط واقف

    نفسه ينزل ..

    بس خايف

    واللى بحَّر بالسفينه

    واللى نفسه يلاقى مينا

    واللى قضَّى العمر كله

    جوا أسوار المدينه

    ياااااااااهْ يا بحر ..!

    لسه ياما دموع كتير

    حتصُب فيكْ

    حتى أمطار الشتا

    دى دموع ألم

    مكبوته فى عيون السما..

    سالت على خد الفضا

    ونزلت عليكْ

    أيووووهْ يا بحر ..!

    السنين مرت وفاتت

    وإنت شايل كل ده فْ قلبك

    وساكت ..!

    ييجى صيف

    يرحل خريف

    وإنت قلبك برضه من جواه نضيف

    ييجى الربيع

    أحزان تموت

    يمشى الربيع

    أيام تضيع

    ييجى الشتا

    تلقى القلوب ملفوفه فى تْياب الدفا ..

    متكلفته

    وعيون ورا الشبابيك

    تلملم ذكريات متشتته

    تسرح تتوه ويا الفضا

    تلمح جناحه وهو مفرود ع المدى

    يحرس قلوع الصيادين

    تبقى القلوب ويا العيون

    ويا الأماكن كلها

    وقت الشتا ..

    نورس حزينْ .
    الرجوع الى أعلى الصفحة اذهب الى الأسفل
    فؤاد ابراهيم
    عضو جديد
    عضو جديد



    ذكر
    عدد الرسائل : 1
    العمر : 57
    تاريخ التسجيل : 26/11/2011

    نورس حزين Empty
    مُساهمةموضوع: رد: نورس حزين   نورس حزين Icon_minitimeالسبت 26 نوفمبر 2011 - 19:24

    كنت اتمنى ان اجد كلمة اقتباس ولكنى فوجئت بأنك نسبتها لك وانا كاتب هذه القصيدة الشاعر فؤاد ابراهيم حافظ ولكن اذا كانت الناس لا تراك فان الله يراك
    الرجوع الى أعلى الصفحة اذهب الى الأسفل
     
    نورس حزين
    الرجوع الى أعلى الصفحة 
    صفحة 1 من اصل 1
     مواضيع مماثلة
    -

    صلاحيات هذا المنتدى:لاتستطيع الرد على المواضيع في هذا المنتدى
    لا اله الا الله :: الشعر :: الشعر-
    انتقل الى: