Moon على كرسى الاعتراف

بالنسبه ليا انا مش هكتر في الاسئله ولا هطول

هو سؤال واح
بس


ممكن توصفي يا مون كل عضو من الموجودين يعنى اللى بيخشوا المنتدى بكلمه واحدة بس مش اكتر

اولا بشكرك جدا على المجامله الجميله
1_ الأسم الحقيقى ؟
أحب أحتفظ بيه لنفسى
الأسم المفضل؟
الشيماء
3_ السن ؟
24
4_الدراسه ؟
دبلوم اصلاح وصيانة معدات كهربائيه (مؤهل متوسط)
5_مكان السكن؟
البحيرة
منتظرة باقى الاسئله؟؟؟؟؟؟

ممكن توصفى يا مون كل عضو من الموجودين يعنى اللى بيدخلو المنتدى بكلمه واحدة مش أكتر؟؟؟؟؟؟؟
بص يا ليالى القمر أنا مش أعرف ظروفهم ايه
وكمان زى ما انت عارف اليومين اللى فاتوا كانوا امتحانات ومذاكرة وجهد وربنا يوفق الجميع وأكيد ان شاء الله بعد الامتحانات والمذاكرة هنلاقى مواضيع كتيرة وبلاش نتسرع فى الحكم على الاعضاء
منتظرة باقى الاسئله

1-لماذا اخترت هذا الاسم المستعار
2-الهوايات
3- مين انشط عضو من وجهة نظرك
4- مين العضو الشقى
5- مين العضو الكسول

انتظرى المزيذ بأذن الله

لماذا أخترت هذا الاسم المستعار؟
بجد مش أنا اللى اختارته دا صديق هو اللى اختاره

الهوايات؟
القراءة

مين انشط عضو من وجهة نظرى؟
أنا مش هكتب اسماء بس فى أعضاء متميزين

مين العضو الشقى؟
شيتوس

مين العضو الكسول؟
أنا مش هكتب اسماء بس اتمنى ان كل الاعضاء يقدموا الجديد دائما


منظرة باقى الاسئله

ما هى الامنية التى تمنيتى ان تحقق ولكن لم تحققيه؟
الحمد لله على كل حال
كان نفسى ادخل كلية رياض اطفال

ما هى الامنيه التى تمنيتى ان تحقق وحققتها؟
ان احفظ كتاب الله والحمد لله وربنا يعين الجميع

ما هو اكتر موقف أحزنك ؟
على المستوى العام
حال المسلمين والعرب خاصه
على المستوى الخاص
الظلم والضعف

ما هو اكتر موقف افرحك؟
ان النهارده انا موجودة فى الدنياوالحمد لله

لو كان فى فرصه تكونى وحده من المسؤلين عن البلد ماذا كنت افعل؟
الصراحه وبدون زعل من الجنس التانى وبدون تحيز كنت منعت البنات من العمل ووفرة فرص للشباب

ما رائى فى الشباب؟
ربنا يهديهم ويعنهم انا مقدرش اقول انهم مذنيبين بس كل اللى اقدر اعمله انى ادعلهم
ربنا ييسر لهم الحال ويصلحهم ويقويهم

شكر ليك يا محمد ومنتظرة باقى الاسئله

ايه هى اكتر حاجه ممكن تخنئق من اللى قدامك ؟

بتفضل انك تصاحب حد اكبر منك ولا فى سنك؟

لو انتي مسافرة والطيارة اتخطفت وخيروكي يرموكي في البر ولا البحر تختار ايه؟؟ وليه؟؟

لو قالولك نرقى مشرف او عضو دلوقتى حالا تختارى مين؟


ما مفهوم هذه الكلمات

* الصداقة

* الخيانة

* الحب

* الوفاء

* الفراق

* الظلم

* الامل

انتظرى المزيد غدا باذن الله

ايه هى أكترحاجه ممكن تخنئق من اللى قدامك؟
برود أعصابه

بتفضل انك تصاحب حد أكبر منك فى السن ولا اصغر؟
الصراحه الاتنين
الكبير هكسب منه خبرته فى الحياة
اما الصغير هأعرف الافكار الجديدة فى الجيل الجديد

لو انتى مسافرة والطيارة اتخطفت وخياروكى يرموكى فى البر ولا فى البحر تختارى ايه ؟وليه؟
أنا كدة كدة ميته فالاحسن انى اموت فى البحر.علشان بحب السمك

لو قالولك نرقى مشرف او عضو تختارى منى؟
محمد أبو زيد

ما مفهوم الصداقه؟
التضحيه

الخيانه؟
الغدر
الحب؟
جزيرة من العواطف يحيط بها المتاعب من كل الجهات

الوفاء ؟
الاخلاص

الفراق ؟
اصعب شىء فى الوجود

الظلم؟
تغير ميزان العدل

الامل؟
الطعام اليومى الذى يفتت به الجوع ايا كان نوعهم

منتظرة باقى الاسئله

السلام عليكم
بجد انا محتار اجبليك اسئله مش عارف قوليك ايه بجد اجابتك مقتع جدا
ومش لاقي اسئله
بس ممكن اسئل وقليك

ماهو اكثر شيئ تحبيه
لو ادتك 3 تذاكر لتقضي فريده الحج حتديهم لمين
وليه هم دول الي اخترتيهم
اذا كان عنك اخ او اخت اصغر منك ما هي النصيحه الي تحبي تقلهلهم
ما هي الاسئله التي تمنيتي احد الاعضاء يسئليك فيه

المرة دية بقى هطلب منك تلقبى كل عضو من اللى انا هكتبهم باسم

محمد ابوزيد

المشتاقون الى الجنة

ليالى القمر

ايهاب شيتوس

مون دية طبعا انتى

تانى حاجة انصحى كل واحد منهم نصيحة

تالت حاجة اية اللى انتى شايفه ناقص فى المنتدى والمنتدى محتاجة

شكرا ليك يامحمد بس بجد هى دى الصراحه

ما هو اكثر شىء احبه؟
حسن الظن

لو اديتك 3 تذاكر لتقضى فريضة الحج حتديهم لمين وليه هم دول اللى اخترتيهم؟؟؟
محمد ممكن واحده ليه
وواحده لولدتى وواحده لولدى
أفتكر انت كدة عرفت السبب

اذا كان عندك اخ او اخت ما هى النصيحة اللى تحبى تقوليهلهم؟؟
من غير تفكير الصلاة وكتاب الله

كان نفسى عضو يسالنى انتى بتحبى تاكلى ايه؟؟؟؟؟

وشكرا ليك يا حمو على مدخلتك دى واسئلتك الجميله
داعيه الله ان يوفقك انت وجميع الاعضاء
وان شاء الله بالنجاح والتوفيق الدائم

شيتوس المرة دى بجد اسئلتك صعبة جدا وربنا يقدرنى انى اضع كل لقب فى مكانه
وربنا يستر ومفيش حد يزعل

محمد أبو زيد ((القائد))

المشتاقون الى الجنه ((عصفور الجنه))

ليالى القمر ((الساجى)) او ((الهادى))

شيتوس دا بقى ححتار فى لقبه شويا ((الطير المهاجر))

مون ((الخجول))

تانى حاجه انصحى كل ولحد نصيحه؟؟؟؟؟
بص يا شيتوس هى نصيحه للجميع
عدم التسرع فى الحكم على أحد
خالو بالكو من نفسكوا كويس جدا وتمسكوا بدينكوا
فيما معناها من ماسك على دينه فى زماننا هذا كالماسك على جمرات من نار لعظم الفتن فيه
داعية الله لكم التوفيق
ويــــــــــــــــــــــــــــــــــــــــــــــــارب تنجح يا شيتوس

ايه اللى انتى شايفه ناقص فى المنتدى والمنتدى محتاجه ؟؟؟
المنتدى محتاج من كل عضو انه يقدم له جديد دائما مش مجرد ان عضو دخل سجل اسمه وبس ولو حتى بين كل موضوع واخر فترات متباعده وياريت بلاش الردود اللى بكلمه واحدة علشان تشجع كاتب الموضوع انه يقدم جديد دائما

شكرا ليك يا شيتوس واتمنى ان اكون عضوة خفيفه على المنتدى

اجاباتك كلها زكية يامون علشان كدة
هخلى عقلك يشتغل اكتر باسئلة صعبة
1- بما انك بنت تحبى تنصحى البنات باية

2-ايه اخر هدية جاتلك؟؟ومن مين؟؟وايه المناسبة؟؟ .......رخامة صح

3-ايه الحاجة اللي بتميزك عن كل الناس في رايك؟؟

4-نفسك مين يعد بعدك على الكرسى

5-صفه فى الشباب تتمنى انها متكنش فيهم؟

1- بما انك بنت تحبى تنصحى البنات باية
عدم الانقياد الى اهوائهم
المحافظه على كتاب الله

-ايه اخر هدية جاتلك؟؟ومن مين؟؟وايه المناسبة؟؟ .......رخامة صح
فستان من خطيبى بدون مناسبه أيوة رخامه

-ايه الحاجة اللي بتميزك عن كل الناس في رايك؟؟

انى جد كتير

-نفسك مين يعد بعدك على الكرسى

نسيم الدعوة


-صفه فى الشباب تتمنى انها متكنش فيهم؟

التهريج الكتير

شكرا مون على وجودك معانا
ونتمنى منك المزيد