مع إن كل الخلق من أصل طين
وكلهم بينزلوا مغمضين بعد الدقايق
والشهور والسنين تلاقى ناس أشرار
وناس طيبين عجبى!!
2-عجبى عليك ..عجبى عليك يا
زمن يابو البدع يامبكى عينى
دما إزاى أنا أختار لروحى
طريق وأنا اللى داخل فى الحياة
مرغما عجبى !!
3-مرغم عليك ياصبح مغصوب
ياليل لا دخلتها برجليا ولا كانلى
ميل شايلنى شيل دخلت أنا فى
الحياة وبكره ح أخرج مها شايلنى
شيل عجبى !!
4-سنوات وفايته عليا فوج بعد
فوج واحدة خدتنى إبن ، والتانية
زوج والتالته أب ، خدتنى ، والرابعة
إيه إيهيعمل إللى بيحدفه موج
لموج؟ عجبى !!
5-أنا شاب لكن عمرى ولاألف عام
وحيد لكن بين ضلوعى زحام
خايف ولكن خوفى منى أنا
أخرس ولكن قلبى مليان كلام
عجبى !!
6-حبيت .. لكن حب من غير حنان
وصاحبت .. لكن صحبه مالهاش
أمان رحت لحكيم واكتر ، لقيت
بلوتى إن اللى جوه القلب مش ع السان
7-ياما صادفت صحاب وما صحبتهمش
وكاسات خمور وشراب وما شربتهمش
أندم على الفرص اللى أنا سبتهم والا
على الفرص اللى ماسبتهمش وعجبى
8-غدر الزمان ياقلبى مالهوش أمان
وحاييجى يوم تحتاج لحبة إيمان قلبى
ارتجف وسألنى أأمن بإيه؟ أأمن
بإ يه محتار بقالى زمان عجبى